ABRIMOS A CONVOCATORIA DE CURTOCIRCUÍTO 2021
Novas
Por fin chega este momento: abrimos a convocatoria para o rexistro das películas da nosa décimo oitava edición. O período comeza hoxe e remata o 15 de xullo ás 23:59 (GMT + 2).
Como anunciamos hai uns meses, Curtocircuíto 2021 celebrarase entre o 2 e o 10 de outubro deste ano. O festival, que recuperará algunhas das seccións presenciais que a pasada edición tivo que cancelar por restricións hixiénico-sanitarias, repetirá o modelo mixto presencial e en liña. Un ano máis, Curtocircuíto esforzarase por traer a Galicia algúns dos traballos máis innovadores e destacados do panorama cinematográfico internacional así como outras propostas visuais e sonoras.
Os traballos en competición participarán na Sección Oficial - Radar, Sección Oficial - Explora, así como nas seccións Planeta GZ e Penínsulas. A convocatoria é internacional e está aberta a películas producidas a partir do 1 de xaneiro de 2021 cunha duración máxima de 59 minutos sen distinción de xénero.
O rexistro é gratuíto e farase a través da plataforma ShortFilmDepot.
Se tedes algunha dúbida, coma sempre, escríbídenos a info@curtocircuito.org ou a través das nosas redes sociais.
Agardamos as vosas películas!