Obras de calquera xénero e de calquera nacionalidade. Unha variada selección dos títulos que marcan tendencias a escala mundial, tanto na ficción como na animación ou o documental. Cineastas experimentados conviven con novas promesas: curtas que chegan avaladas por numerosos premios concedidos en festivais internacionais e novas obras que Curtocircuíto quere dar a coñecer.
Ler máis Ver menosDuración: 70m 03s
Telcosystems
En TESTFILM #1, Telcosystems explora as posibilidades creativas do Digital Cinema Package (DCP) —o novo sistema de proxección mundial para cines que substituíu á infraestrutura analóxica—. Neste novo panorama cinemático, que acontece coa historia e o futuro do cine experimental e dos renegados que se negan a seguir as regras?
Estrea en España
Felipe Esparza
Para os seus fieis habitantes, as montañas do Perú son un espazo sacro cheo de misterio. A natureza é o foco, desde a vexetación ata o barro brillante, desde os ventos penetrantes ata a néboa silenciosa. No medio deles, un curandeiro recomenda non deixar que cousas sen valor te distraian.
Estrea en España
Dorian Jespers
Fedor é un mozo cerralleiro de Murmansk, unha cidade conxelada na escuridade do Ártico ruso. Cliente tras cliente, vaga polas canellas de formigón, animado por unha fantasía que o illa da cidade e dos seus habitantes. Os seus soños corroen a súa relación coa realidade e abren as portas a un universo fantasmagórico; un segundo sol brilla sobre o Ártico ruso.
