Radar

Verán do 2016. Nalgún lugar da Drôme Provenzal francesa, unha misteriosa praga ataca os pobos: nubes de bolboretas brancas invaden a rexión. Cando se achega a noite, todo o mundo se pecha nas súas casas, atrapados por estes bechos aparentemente imparables. Á medida que a enorme nube se aproxima, Lou descobre os estraños insectos e os seus sentimentos pola súa amiga Sam. Ao final da tempada, as couzas terán destruído todos os buxos centenarios, deixando tras elas unha paisaxe devastada.

En Córdoba, lonxe da capital arxentina, o final da ditadura augura unha primavera que durará moi pouco tempo. A Delpi é a única supervivente dun grupo de amigos e amigas travestís e transformistas que a finais sa década dos oitenta empezaban a morrer de sida. Nunha cidade católica e de provincia, o Grupo Kalas converteu os playbacks e os traxes improvisados na súa arma e a súa trincheira. Hoxe, estas imaxes dun arquivo único e inédito son una carta de despedida e un manifesto á amizade.

Luís II de Baviera leva petrificado no xeo desde tempos inmemorables. Atopámolo nun bosque, afortunadamente vivo! Tres irmás bruxas tentan desconxelalo e desentrañar o seu musical misterio. Vémonos inmersos con elas nun conto de fadas colorido e surreal.

Stella, unha nena de 10 anos, tropézase coa relación íntima que súa nai ten coa misteriosa Patty. Ao tempo que castiga a súa nai, enfróntase á complexidade das relacións adultas.