Radar

É posible desertar nun videoxogo de disparos? A partir desta pregunta, Como desaparecer reflexiona sobre a guerra e o xogo, a disciplina e a desobediencia. Porque a historia da rebeldía é tan antiga como a historia da guerra e, con todo, o acto da deserción transcende o espazo de acción do xogo. Filmado nas paisaxes bélicas, marciais e pintorescas ao tempo, do videoxogo en liña Battlefield V.

No ano 74 d.C., Titus Lucretius Carus, un mozo de ideas atrevidas, tenta convencer o seu amigo Memio de que mudarse a Roma para estudar é unha absoluta perda de tempo. Anos máis tarde, Lucretius volve da capital. Tentando atopar o equilibrio entre as súas explicacións do mundo natural e a experiencia emocional que lle provoca, Lucretius vive unha paixón profunda e turbulenta con Isa, a súa esposa estranxeira.

O ritual de fabricación do po de coca verde (chamado mambe ou jíibie) revea un mito ancestral sobre o parentesco. Na comunidade amazónica Múina-Murui, a planta de coca non é un produto, senón un interlocutor sacro, o corazón palpitante dun corpo colectivo.