Radar

Traballa no parque de atraccións como “Stump o Adiviño” e pode adiviñar calquera cousa por un prezo dado. Mais, de súpeto, os seus trucos deixan de funcionar. Namora entón sen querer de súa irmá, á que daba por desaparecida. A partir de aí emprende un plan para refutar cientificamente a teoría da transmisión hereditaria e casar coa súa amada canto antes. Unha absurda pirotecnia de cine mudo en branco e negro.

Durante a rodaxe d’O ano pasado en Marienbad, preto de Múnic en 1960, algúns membros do equipo e do elenco foron visitar Dachau, o primeiro campo de concentración. Estaba a tan só oito quilómetros do château onde filmaban. Como é posible que un dos castelos máis elegantes do mundo estivese tan preto dun artefacto dun dos episodios máis espantosos da historia mundial? Como se explica isto, se é posible? Tingue este feito a nosa relación cunha das películas posbélicas máis fermosas e enigmáticas que existen?

A partir da metraxe de arquivo das décadas de 1950 e 1960, o filme revisita as galas da Ópera de París, frecuentas por celebridades francesas e internacionais, membros da realeza e xefes de Estado. Cun estilo de montaxe exquisita e un sutil sentido de humor, Sergei Loznitsa revive a glamurosa época na que reis e reinas, presidentes e estrelas do cinema ascendían polas escaleras do Palacio Garnier para venerar a arte da ópera.