Planeta GZ

En MARCAS recuperei tres poemas que escribín cando tiña entre 16 e 18 anos e conformei unha serie de poemas visuais nos que as imaxes do meu corpo na pantalla son acompañadas pola miña voz recitando. Con esta especie de tríptico volvo dalgunha maneira á adolescencia e redescúbrome a a min mesma, as miñas pantasmas. Peza filmada en Super 8 na Elías Querejeta Zine Eskola.

Chego á casa do meu traballo mal pagado. Outra vez tarde. Abro o frigorífico e recordo que non só non me puiden preparar unha friameira para hoxe, senón que non tiven nin sequera tempo de ir facer a compra. Miro luxuriosamente as baldas dos meus compañeiros de piso, pero non vexo nada que poida roubar sen que se decaten. Acabo por cocer pasta con pesto e levo o prato ao me cuarto. A miña parede chea de pósteres, fotografías e debuxos é unha fiestra. Pecho os ollos, xa non estou alí, estou en calquera outro tempo, en calquera outro lugar.

Vestiges (an archipelago) é un videoensaio que investiga a nosa insaciable demanda de area, o recurso natural máis usado do mundo despois da auga. Trátase dun labirinto narrativo e poético onde se cruzan o colonialismo, as dragas e os proxectos de "recuperación do solo", e onde se conta como a area está enmarañada na máquina global que chamamos progreso.

Primeiro filme-investigación xurdido do colectivo Cinema Semente. Nace da utopía dun espazo cinematográfico no rural galego.

As horas cegas é un retrato da noite e de quen a percorre. Explorámola a través dun personaxe cuxa ruta se repite noite tras noite e que nos axuda a xerar un transo, unha observación dinámica e inmersiva arredor desta figura do repartidor e da paisaxe durante a escuridade.

Polas paisaxes nocturnas camiño tralos pasos da bandoleira Pepa a Loba na compaña do seu inseparable can. Unha busca cega entre os restos ficticios e a natureza documental da súa pegada en terras chairegas.