Esta competición aglutina as producións galegas que Curtocircuíto considera máis arriscadas e interesantes, ao mesmo tempo que intenta conformar un conxunto que represente a heteroxeneidade da escena cinematográfica galega.
Duración: 70m 05s
David Fidalgo Omil
REALITY é unha reflexión crítica e irónica sobre os programas de televisión máis vistos e a sociedade que os consome.
Rafa de los Arcos
Celia volveu ao barrio. Nin sequera sabe moi ben como chegou ata alí, que ocorreu para que todo fose á merda en tan pouco tempo. Tentando agarrarse a algo, busca desesperadamente a maneira de recuperar a súa vida perdida.
Brandán Cerviño
Un Mozo leva pastar o seu gando ao monte. No camiño de volta atopa unha Moza que quere ver a Virxe gardada nunha igrexa que coroa o cume da montaña. O Mozo acaba acompañándoa na súa procura; con todo, nalgún momento da improvisada “peregrinación”, os seus camiños sepáranse e unha figura mítica e ancestral revélase.
Estrea mundial
Dani Cornes
Nun futuro próximo afectado polo quecemento global, a bióloga Amelia chega a un arquipélago remoto nunha misión de recoñecemento. Illada do mundo, a súa única compañía é a voz de Control no oído. Todo vai ben, mais o tempo pasa, as tensións aumentan e empezan as discusións.
Dani Viqueira
Laura estuda para a oposición da súa especialidade médica. Non ten tempo para as hipocondrías do seu marido. Tampouco para as pelexas dos seus fillos. Mais cando todo escureza e Laura se adentre na penumbra, tempo é o único que terá.
Guille Vázquez
Unha moza busca alguén que entrou na súa casa cando se atopaba no límite entre o soño e a vixilia. Baseado no cadro The Nightmare, de Heinrich Füssli, Mare describe unha parálise do soño segundo o mito do íncubo.
