Penínsulas

O lobo deixou de habitar o territorio que unha vez formou parte dos seus dominios e só a través das súas contornas podemos achegarnos a el; ruínas de trampas para lobos, ouriños de depredador importados dos EUA, unha esterqueira para alimentar aves de prea e arqueiros que disparan a réplicas de animais. Reserve constrúe un relato sobre o fráxil equilibro dun territorio tras a desaparición do depredador, onde a complexa coexistencia entre humanos e non-humanos presenta un ecosistema marcadamente antropoxénico.

Vísceras, un rabaño de ovellas, unha primavera. Arrolo de pombas e cancións coa boca pechada. Algúns voitres, ósos, flores e moitas mans. Mans que dan de comer, moxen, acariñan, rapan, filman, mans que matan. Mans que habitan as dúbidas e contradicións do manexo doutras especies.

N’O sangue é branco, Óscar Vincentelli utiliza a precisión cirúrxica dunha cámara térmica para extirpar todo o folclore que recobre unha corrida de touros. Convertida en danza macabra a que un día fora festa nacional, ante vostedes só queda xa o ritual da morte.